فـرش زويـفـا ..

أهلا بالجميع حابه اتكلم لكم عن تجربتي ورأيي في فرش زويفا ... 

/

\

/

أولاّ نـأخذ نبذه عن زويفا هي علامه تجاريه المانيا أنشئت في 2008 لكن للاسف عرفنا عنها من العام الماضي فقط ... تهتم زويفا بالنساء المعنفات منزلياّ وكذلك تهتم بمريضات السرطان الله يشفيهم وتحرص باستمرار على أقامة دورات مكياج لهم بالتعاون مع خبراء المكياج لرفع معنوياتهم وزيادة الثقه في نفسهم لمواجهة مرضهم ... 

زويفا أنشهرت بفرش المكياج المنافسه بقوه لفرش ماك بجانب ذلك عندهم منتجات مكيااج  رائعه جداّ راح اسوي لكم ريفبوا عنهم ان شاء الله ..

/

\

/

طلبت الفرش العام الماضي من موقعهم هنا عندهم شحن مباشر للسعوديه بسعر ثابت للشحن طبعا كانت قيمة الفرش والشحن أرخص بكثيرعن الحين رغم انه سعرهم الحين رخيص لكنه كان أرخص .... وصلتني عالبريد السعودي لانه يشحنونها عن طريق البريد الرسمي في المانيا DHL عالبريد الرسمي عندنا وهو البريد السعودي .... طبعاّ احترت أيش أختار من مجموعات الفرش اخر شي رسيت على الروزقولد ماقدرت اقاوم اللون واخذت فرشتين فرديه ... 

/

\

/

هذا شكل الكرتون أبيض وعليه اللوقو تبع زويفا .

الطلبيه مغلفه بطريقه جميله صراحه كأنها هديه ( شكلها معفوس مني نسيت أصورهم قبل ):) .. يجي معاهم  كرتين بس نسيت أصورهم كرت كبير مكتوب فيه معلومات عن زويفا وكرت صغير مكتوب فيه أسم الموظف الي جهز الطلبيه عشان أذا صار فيها شي غلط ترسلين لهم أيميل وتسجلين أسم الموظف حبيت صراحه هالحركه ولامره شفتها في أي موقع على كثر الي أطلب منهم ..

وهذا طلبيتي مجموعة الروزقولد ويجي معها شنطه أنيقه ومثل الكيس من القماش 

والفرش المفرده تكون في حافظه بلاستيك  مش كيس مثل ماتعودنا دائماّ لا حافظه تقدرين تستفيدن منها بعدين .

/

\

/

بتكلم لكم الحين عن هالمجموعه الجمييله واستخدامي لكل فرشه ..

هالمجموعه فيها ثمان فرش شعيراتها أصطناعيه وطبيعيه يعني نقدر نستخدم هالمجموعه  للمنتجات الكريميه والبودريه ..

نجي لاستخدامي للفرش .. فرشه 110تستخدم للوجه سواء منتجات كريميه او بودره 

فرشه 142 تستخدم لدمج الكونسيلر تحت العين ..انا ماتقيدت بهالكلام !

فرشة الكونسيلر أحط فيها الكونتور الكريمي سواء من كريولاين او غيره بفرشة 110 أبخ عليها فكس بلس من ماك 

وأموه الكونتور فيها ... ماتتخيلون كيف فظييييعه اتعب وانا اقولكم فظيعه في تمويه الكونتور تعطيك منظر طبيعي كانه كذا تقاسيم وجهك طبيعيه بعد الكونتور أنصحكم فيها بقوه تقدرون تاخذونها فرديه ...

فرشه رقم 102 مكتوب في الموقع انها مخصصه للكريم الأساس أنا صراحه ماجربتها للكريم الاساس لانه اعتمد على فرشة سيجما أو البيوتي بليندر أنا خليتها هالفرشه للبرونز الكريمي تبع شانيل حلو توزيعها ودمج ناعم سلس لاحظت عليها ماتسحب كميه من المنتج وهذا شي كويس طبعا .

نجي لفرشة البودره رقم 106 شعيراتها ناعمه جدا على الوجه في نفس الوقت تلقط من المنتج لانه بعض الفرش تجي شعيراتها ناعمه لدرجه ماتلقط من المنتج هذي لا تلقط وتوزع بشكل حلو على كامل الوجه أحبها صراحه الفرشه استخدمها للوس باودر والكومباكت بعد ..

فرشة البلاشر من شعر طبيعي الحلو والمميز فيها انها شوي منفوشه وبكذا يتوزع البلاشر على الخد بدون مايتركز في جهه غامق وجهه فاتح كانه ملطخ الوجه البعض يستخدمها للكونتور طبعا ماانصح فيها لانها منفوشه وبتخرب عليكم الكونتور.

نجي لفرش العيون... فرشه رقم 227 فرشة الدمج نفس بالضبط بالضبط فرشة ماك رقم 217 نفس النتيجه تعطيك سيجما حاولت انها تقلد الفرشه وطبعا ماتوفقت في التقليد لكن زويفا طبق الاصل .. كيف عرفت هالشي سويت دمج الشدوعالعين اليمنى بفرشة ماك واليسرى بفرشة زويفا نفس المده المستغرقه في الدمج ونفس النتيجه في النهايه بعكس سيجما مستحيل تعطيك نفس نتيجة دمج فرشة ماك .. هي تدمج في مكان ضيق محدد مش دمج مساحه كبيره .

،

.

.

فرشه رقم 231 لكسرة العين روعه اخذ لون بني او اسود وأحطه على شكل حرف (د) وادمج فيها عالكسره شعيراتها شوي منفوشه مش قاسيه فظيييعه يطلع دمج مرتب وحلو .. 

فرشة 317 للوينق لاينر هي للكحل  بس انا استخدمها لحواجبي صراحه اعبي الفراغات فيهم وقليل استخدمها للجل لاينر بشكل عام حلو شعيراتها ناعمه جدا وفي نفس الوقت تحسينه قاسيه شوي طبعا هذا ميزه عشان تقدرين ترسمين الجل لاينر مضبوط.

/

هذا كل شي عن مجموعة الروزقولد نجي الحين للفرش المفرده.

/

طبعا طلبت فرشة  الكونتور البودره حبيتها ولا أستغني عنها أبداّ ... تلقط اللون وتدمجه بشكل جميييل أنصحكم فيها بقووه أفضل من حقت كوستال تبع الكونتور أصلا رميتها بالزباله فاشله ... شعيراتها كثيره ومصفوفه وناعمه تقدرين تسوين الكونتور حاد وقوي شوي للي يحبون هالشي يكون بارز او كونتور ناعم مثلي ..يجي فرشه مثلها نزلت بعدين للكونتور الكريمي .

الفرشه الفرديه الثانيه الي أخذتها هي رقم 227 فرشة دمج للشدو كبيره يعني دمج على مساحه واسعه أنا ادمج فيها الهايلات تحت الحاجب مع الشدو عالجفن المتحرك حلوووووه النتيجه النهائيه .

/

\

/

\

الخــــلاصــــه :

الفرش جودتها فوق الممتازه أي بنت مبتدئه ومحتاره أيش تأخذ من فرش زويفا أنصحها بمجموعة الروزقولد لانه زي ماشفتوا تجمع الفرش الضروريه للوجه فرشة البودره وكريم الأساس والبلاشر والكونتور والكونسيلر.... وفرش العيون فرشتين للدمج وفرشه للكحل ...أنصحكم تشترونها قبل يرفعون سعرها لانه لاحظت عليهم مايتدرجون في رفع السعر لا على طول يزيدون عشره يورو .... نصيحه ثانيه أشتروا الفرش باليورو لانه ارخص من الدولار ..

:

:

 ختام الموضوع الطوويل أتمنى أنه أعجبكم وأستفدتوا منه أذا عندكم أي أستفسار أكتبوا لي وانا أجاوبكم ....